Испаниялик ҳужумчи Фернандо Торрес ёзда“Атлетико”ни тарк этишини тасдиқлади.

“Атлетико”га 10 ёшда келганман. Мадрид менинг уйим ҳисобланади. “Атлетико” учун гол урганим ва бу жамоа либосида ўйнагим катта шараф.

Ҳа, кўп жамоаларда ўйнадим, лекин Мадрид барибир менинг уйим бўлиб қолади. Совринлар учун курашадиган “Атлетико”да ўйнаганимдан бахтлиман.

Бу “Атлетико”даги сўнгги мавсумим бўлади. Ҳа, оғир қарор қабул қилдим, лекин шунга мажбурман.

Энди бошқа жамоа шарафини ҳимоя қилишни истайман. Ўйлайманки, шундай қилсам янада яхши бўлади”, – деди 34 ёшли Торрес.

Торрес – “Атлетико” тарбияланувчиси ҳисобланади. У жамоанинг топ-5 тўпурарлари рўйхатига киради ва клуб учун энг кўп ўйнаган топ-10 футболчилар қаторидан ҳам ўрин эгаллаган.