Ispaniyalik hujumchi Fernando Torres yozda“Atletiko”ni tark etishini tasdiqladi.

“Atletiko”ga 10 yoshda kelganman. Madrid mening uyim hisoblanadi. “Atletiko” uchun gol urganim va bu jamoa libosida o‘ynagim katta sharaf.

Ha, ko‘p jamoalarda o‘ynadim, lekin Madrid baribir mening uyim bo‘lib qoladi. Sovrinlar uchun kurashadigan “Atletiko”da o‘ynaganimdan baxtliman.

Bu “Atletiko”dagi so‘nggi mavsumim bo‘ladi. Ha, og‘ir qaror qabul qildim, lekin shunga majburman.

Endi boshqa jamoa sharafini himoya qilishni istayman. O‘ylaymanki, shunday qilsam yanada yaxshi bo‘ladi”, – dedi 34 yoshli Torres.

Torres – “Atletiko” tarbiyalanuvchisi hisoblanadi. U jamoaning top-5 to‘purarlari ro‘yxatiga kiradi va klub uchun eng ko‘p o‘ynagan top-10 futbolchilar qatoridan ham o‘rin egallagan.