"Реал" бош мураббийи Зинедин Зидан ЕЧЛ чорак финалида "Ювентус" тўсиғидан ўтилганидан сўнг (1:3, 3:0) фикрларини билдирди.
"Мен хурсандман. Биз умумий ғалабага муносиб бўлдик. Бугун кўп вазиятлар яратдик, аммо тўп дарвозага киришни хоҳламади, терлашга тўғри келди.
Биз тезкор гол ўтказиб юборишни режалаштирмаган эдик. У "Ювентус"га умид берди. Улар ўзларига ишондилар ва ўйнадилар. Бизнинг ўйинимиз чиқмади. Аммо икки ўйин натиасига кўра, ғалабага муносиб бўлдик. Бу бизни қониқтиради.
Танаффусда ниманидир ўзгартиришим керак эди. Бэйл ва Каземирога ътирозларим йўқ. Шунчаки ниманидир ўзгартириш керак эди, мен уларни танладим.
"Юве" биринчи ўйинда зўр ўйнаган эди, балки гол уришга ҳам ҳақли эди. Бугун биз ҳақимизда ҳам шундай дейиш мумкин. Улар ҳам худди биз Туринда урганимиз каби тезкор гол уришди. Ҳамма нарса бўлиши мумкин эди.
"Юве"нинг катта босими бизга муаммолар туғдирди. Улар устунўйин кўрсатдилар. Аллегрининг тактик режалари зўр ишлади. Аммо мен бир сония ҳам кейинги босқичга чиқишимизга шубҳа қилмадим", - дейди Зидан.
