"Real" bosh murabbiyi Zinedin Zidan YECHL chorak finalida "Yuventus" to‘sig‘idan o‘tilganidan so‘ng (1:3, 3:0) fikrlarini bildirdi.
"Men xursandman. Biz umumiy g‘alabaga munosib bo‘ldik. Bugun ko‘p vaziyatlar yaratdik, ammo to‘p darvozaga kirishni xohlamadi, terlashga to‘g‘ri keldi.
Biz tezkor gol o‘tkazib yuborishni rejalashtirmagan edik. U "Yuventus"ga umid berdi. Ular o‘zlariga ishondilar va o‘ynadilar. Bizning o‘yinimiz chiqmadi. Ammo ikki o‘yin natiasiga ko‘ra, g‘alabaga munosib bo‘ldik. Bu bizni qoniqtiradi.
Tanaffusda nimanidir o‘zgartirishim kerak edi. Beyl va Kazemiroga ’tirozlarim yo‘q. Shunchaki nimanidir o‘zgartirish kerak edi, men ularni tanladim.
"Yuve" birinchi o‘yinda zo‘r o‘ynagan edi, balki gol urishga ham haqli edi. Bugun biz haqimizda ham shunday deyish mumkin. Ular ham xuddi biz Turinda urganimiz kabi tezkor gol urishdi. Hamma narsa bo‘lishi mumkin edi.
"Yuve"ning katta bosimi bizga muammolar tug‘dirdi. Ular ustuno‘yin ko‘rsatdilar. Allegrining taktik rejalari zo‘r ishladi. Ammo men bir soniya ham keyingi bosqichga chiqishimizga shubha qilmadim", - deydi Zidan.
