2022 йилда Қатарда бўлиб ўтадиган жаҳон чемпионати ташкилий қўмитаси мусобақа иштирокчиларини 48 тага оширилиши олдидан ФИФА билан логистика масаласини муҳокама қилинишини талаб қилди.
Аввалроқ, КОНМЕБОЛ (Жанубий Америка футбол ташкилоти) ФИФАдан ЖЧ-2022 иштирокчиларини 32 тадан 48 тагача оширилиши сўраган эди. Аслида иштирокчилар ЖЧ-2026 дан бошлаб 48 тага оширилиши кўзда тутилган. ФИФА буни кўриб чиқишга тайёрлигини маълум қилди.
ЖЧ-2022 ташкилий қўмитаси ҳар қандай ҳолатда ҳам мусобақани юксак савияда ўтказилишини таъкидладилар, аммо аввал опрецион ва логистик масалаларини ҳал қилиб олиш керак.
2022 йилги ЖЧ тарихда биринчи марта ёзда эмас, ноябрь-декабрь ойларида ўтказилади. Миллий чемпионатлардаги тиғизлик туфайли мундиал одатдагидай 31-32 кун эмас, 28 кун давом этади. Бундан ташқари мусобақа бор-йўғи 8 стадионда ўтказилади.
