"Рома" клуби ўз ҳимоячиси Лука Пеллегрини билан шартномасини узайтирди. Клуб расмий сайти хабар беришича, янги шартнома 2022 йилнинг ёзигача тузилди.
19 ёшли чап қанот ҳимоячиси 2011/12-мавсумда "Рома"нинг ўсмирлар жамоасига келиб қўшилган. Бу мавсум бошидан асосий жамоага ўтди. Пеллегрини ҳозирча асосий таркибда дебют қилишга улгурмади.
"Лука - ўз ишига содиқлиги билан ҳаммага ўрнак. У клубимизда жуда қадрли. Шунинг учун шу ерда туғилиб, шу ерда футбол ўйнашни бошлаган йигитни янги шартнома билан мукофотладик", - дейди римликлар президенти Мончи.
