"Зенит" бош мураббийи Роберто Манчини май ойи охирида питерликлар сафини тарк этади.
Sport Medaset хабарига кўра, Италия Футбол федерацияси 20 май куни бош мураббий масаласини ҳал қилади.
Италия терма жамоасини 53 ёшли Манчини бошқаради. У бош мураббий вазифасини бажарувчи Луижи ди Бьяжжони алмаштиради.
Италия терма жамоаси Манчини қўл остида биринчи ўйинини 28 май куни Саудия Арабистони терма жамоасига қарши ўтказади.
Италияликлар 1 июнь куни НИцца шаҳрида Франция билан, 4-июнь куни Туринда Голландия билан ўртоқлик учрашувларини ўтказади.
