“Арсенал” клуби раҳбарияти ҳозирча янги мураббий ким бўлишига аниқлик киритмади, лекин бу лавозимга асосий номзод Карло Анчелотти бўлиб турибди.
Маълумки, 1996 йилдан бери жамоада ишлаб келаётган Арсен Венгер мавсум якунида “Арсенал”ни тарк этади.
Анчелотти эса ўтган йилнинг сентябрь ойидан бери ишсиз юрибди. Уни “Бавария”дан ишдан бўшатишган.
Аввалроқ, 58 ёшли мутахассис “Челси”да Антонио Конте ўрнини эгаллаши айтилаётганданди. Бироқ Le Parisien нашрининг хабарига кўра, унинг “Арсенал”ни бошқариш эҳтимоли юқори.
Анчелотти Англия премьер-лигасида ишлаш тажрибасига эга бўлиб, у 2010 йил “Челси” билан Англия чемпионати ва кубогида ғолиб чиққан.
