Мадриддаги "Ванда Метрополитано" стадионида Испания Қироллик кубогининг финал баҳси бўлиб ўтди. "Барселона" ва "Севилья" ўртасидаги учрашувда йирик ҳисоб қайд этилди.
Каталонияликлар 14-дақиқадаёқ ҳисобни очишга муваффақ бўлишди. "Барса" посбони Яспер Силлессен кучли зарба билан тўпни олдинга тепиб юбориши натижасида Котуиньо рақиб жарима майдончасига кириб борди ва тўпни янада қулай вазиятда турган Суаресга етказди. Уругвайлик футболчи деярли бўш қолган дарвозани ишғол этди.
Баҳснинг 31-дақиқасида ҳисобдаги фарқ ошди. Альба чап қанотда жамоадоши билан "девор" ўйнаб, жарима майдончасига кириб борди ва кутилмаганда, товони билан тўпни орқага етказди. Ҳимоячилар Мессини назоратсиз қолдиришди ва Лео кучли зарба билан дарвозани забт этди.
Ҳисобни биринчи бўлимнинг ўзидаёқ йирик кўринишга келди. Мессининг узатмасидан кейин Луис дарвозабон билан яккама-якка вазиятга чиқиб кетди ва имкониятдан самарали фойдаланди — 3:0.
Иккинчи бўлимнинг дебюти каталонияликлар учун омадли келди. Мавсум сўнгида жамоадан кетиши деярли аниқ бўлиб қолган Иньеста Мессининг узатмасидан кейин дарвозабон қаршисида ёлғиз қолди ҳамда посбонни алдаб ўтиб, бўш қолган дарвозага тўпни жойлади.
Учрашувнинг 70-дақиқасида қизиқ вазият юзага келди. Коутиньо рақиб жарима майдончаси ичида Суарес билан "девор" ўйнаб, дарвозани ишғол қилди. Аммо ҳакам голни бекор қилиб, "Севилья" дарвозаси томон пенальти белгилади. "Кўк-анорранглилар" 11 метрли жарима зарбасини Филиппега беришди: бразилиялик футболчи Давид Сорияга имконият қолдирмади.
"Севилья" ўйин давомида гол уриш учун вазиятларга эга бўлди. Аммо уларга омад кулиб боқмади.
Шу тариқа, "Барселона" кетма-кет тўртинчи марта, ўз тарихида эса 30 маротаба Испания Қироллик кубогини қўлга киритди.
Испания кубоги, финал
Севилья – Барселона 0:5 (0:3, 0:2)
Голлар: 0:1 – 14 Суарес, 0:2 – 31 Месси, 0:3 – 40 Суарес, 0:4 – 52 Иньеста, 0:5 – 69, пенальти Коутиньо.
Севилья – Сория, Лангле, Меркадо, Эскудеро, Навас, Нзонзи, Банега, Васкес (Нолито, 86), Сарабия (Лайюн, 82), Корреа (Сандро Рамирес, 46), Муриэль.
Барселона – Силлессен, Умтити, Пике, Альба, Коутиньо (Дембеле, 82), Серджи Роберто, Ракитич, Бускетс (Паулиньо, 76), Иньеста (Денис Суарес, 88), Месси, Суарес.
Огоҳлантиришлар: Меркадо (34), Эскудеро (38), Иньеста (67), Бускетс (74), Васкес (74).
| 05/11 00:45 | Лацио | 2-1 | Кальяри | ||
| 05/11 01:00 | Сельта | 1-0 | Хетафе | ||
| 05/11 01:00 | Фулхэм | 2-1 | Брентфорд | ||
| 05/11 13:00 | Сентрэл Кост | 2-2 | Шангхай Шенхуа | ||
| 05/11 15:00 | Кавасаки Фронтале | 3-1 | Шангхай Порт | ||
| 05/11 15:00 | Виссел Кобе | 2-0 | Квангжу | ||
| 05/11 17:00 | Жоҳор Дорул Таъзим | 3-0 | Ульсан Хёндэ | ||
| 05/11 19:00 | Пахтакор | 0-1 | Ар-Райян | ||
| 05/11 23:00 | Ан-Наср (СА) | - | Ал-Айн |
«Барселона» мавсумдаги дастлабки совринни қўлга киритди
| Баҳо: |
+ | -
|
Рукн: Шарҳлар ва Анонслар
Манба: stadion.uz
Киритилди: 02:17, 22.04.2018.
Ўқилди: 7892 марта.
Фикрлар: 9 та.
Ўқилди: 7892 марта.
Фикрлар: 9 та.
ЭНГ КЎП ЎҚИЛГАН ЯНГИЛИКЛАР
Альфонсо Дэвис «Реал» ва «Барселона»дан бирини танлади [10899]
"Манчестер Сити" Холандни "Реал"га сотишга тайёр [4399]
Неймар жароҳати ҳақида пост эълон қилди [4254]
ZO'R TV бугун ЕЧЛнинг икки учрашувини жонли эфирда намойиш қилади [4153]
Sport TV'да 5 ноябрь куни 5 та жонли футбол трансляцияси бор [3628]
«Реал» «Олтин тўп» натижаларини «эл-класико»дан олдин билган, аммо буни Винисиусдан яширган [3005]
«Ливерпуль» юлдузи эркин агент мақомида «Барселона»га ўтиши мумкин [2688]
«Барселона» ҳимоячиси «МЮ»нинг қишдаги илк трансферига айланиши мумкин [2635]
Флик "Барселона"да жарималар тизимини жорий қилгани маълум бўлди [2517]
"Манчестер Сити" Родри ўрнига иккита номзодни кўриб чиқяпти [2293]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|