"Арсенал" афсонаси Иан Райт жамоа устози Арсен Венгернинг ўз хоҳиши билан истеъфога чиқаётганига ишонмаяпти.

"Арсен Венгер – принципиал ва виждонли инсон. Мен унинг ўз хоҳиши билан кетаётганига ишонмайман, уни кетказишмоқда. Арсен ўзига бўлаётган танқидларга қарши бўлиб, шартномаси якунланмагунча кетмас эди. Иш истеъфогача етиб боргани қайғули. Қачонлардир буни билиб оламиз, аммо буни ким ўз бўйинига олади - ҳаммаси бир-бирининг ортига яширинадилар.

Арсен биринчи куни матбуот анжумани ўтказади ва истеъфо ҳақида лом-мим демайди, эртаси куни кетиши ҳақида эълон қилиб турибди. Бу шубҳали. Аммо Арсен бошини баланд кўтарган ҳолда кетиши мумкин. "Арсенал"нинг ҳақиқий афсонаси, натижалардан қатъий назар яхши кузтилиши лозим эди. Биз унинг хизматлари олдида қарздормиз", - дейди Райт.