Бразилия терма жамоасининг собиқ ҳужумчиси Ривалдонинг фикрича, "ПСЖ" ҳужумчиси Неймар "Реал"га ўтиши керак.

"Мен Неймарга дунёнинг энг яхши ўйинчиси бўлиши мумкинлигини айтганман. Аммо у "ПСЖ"да қолса, бу амалга ошмайди. У клубини тарк этиши керак. Энг яхши футболчи бўлишни истаган ўйинчи Испанияга келиши керак.

Англия, Испания, Италия, Германия – ҳамма жойда футбол ривожланган, аммо мусобақа жиҳатидан Испанияни айтдим. "Барселона"га қайтиши қийин бўлади, у уердан кетган. Аммо менга маълум бўлишича, унда "Реал"га ўтиш учун яхшигина имконият бор. Агар у Мадридга ўтадиган бўлса, дунёнинг энг яхшиси бўлиши мумкин", - дейди Ривалдо.