"Рома" президенти Жеймс Паллотта жамоанинг собиқ ўйинчиси Муҳаммад Салоҳнинг "Ливерпуль"да кўрсатаётган ўйинларига изоҳ берди.

- Ҳозир биз Салоҳни сотиб юбориб, зарар қилганмиз, деб ўйлашингиз мумкин. Гап шундаки, Мончи келгач, Салоҳ кетишни истаб қолди. Унинг яна бир йиллик шартномаси бор эди. Бир йилдан сўнг уни текинга қўйиб юборишга мажбур бўлар эдик.

У АПЛга қайтишни, ўзини кўрсатишни хоҳлади ва бунинг уддасидан чиқди. "Ливерпуль"дан бошқа кимдир бизга бунча сумма тклиф қилмаган бўлар эди.

– Генри билан қандай келишгансиз?

– У "Ливерпуль" бироз ортиқча пул тўлади деб ўйлади, мен унга тушликка эрийман дедим.

– Салоҳнинг бу мавсумдаги ўйинидан ажабландингизми?

– Очиқ айтадиган бўлсам, ҳа. Биз уни "Ливерпуль"дагилар каби фойдаланмадик. Улар энг яхши усулни топишди. Биз уни вингер сифатида қўлладик, ҳужум марказимизда Жеко бор эди, у 36 та гол урган эди, яъни бизда лигани ёриб юборган ҳужумчи бор эди. "Ливерпуль" Салоҳни ҳуум марказига яқин жойда ўйнатди.

Ажабландим деганимда, унинг самарадорлигини кўзда тутдим. У "Рома"да етарли голлар урганига қарамай, гол уролмаган вазиятлардан қаттиқ афсусланар эди. Ҳозир тўп унинг оёғига тегса дарвозага бориб тушяпти. Балки, АПЛда дарвозалар каттароқдир? Унинг ўйинини томоша қилиб, ҳар сафар гол урганида "Ё, Худойим" деб қўяман", - дейди Паллотта.