"Roma" prezidenti Jeyms Pallotta jamoaning sobiq o‘yinchisi Muhammad Salohning "Liverpul"da ko‘rsatayotgan o‘yinlariga izoh berdi.
- Hozir biz Salohni sotib yuborib, zarar qilganmiz, deb o‘ylashingiz mumkin. Gap shundaki, Monchi kelgach, Saloh ketishni istab qoldi. Uning yana bir yillik shartnomasi bor edi. Bir yildan so‘ng uni tekinga qo‘yib yuborishga majbur bo‘lar edik.
U APLga qaytishni, o‘zini ko‘rsatishni xohladi va buning uddasidan chiqdi. "Liverpul"dan boshqa kimdir bizga buncha summa tklif qilmagan bo‘lar edi.
– Genri bilan qanday kelishgansiz?
– U "Liverpul" biroz ortiqcha pul to‘ladi deb o‘yladi, men unga tushlikka eriyman dedim.
– Salohning bu mavsumdagi o‘yinidan ajablandingizmi?
– Ochiq aytadigan bo‘lsam, ha. Biz uni "Liverpul"dagilar kabi foydalanmadik. Ular eng yaxshi usulni topishdi. Biz uni vinger sifatida qo‘lladik, hujum markazimizda Jeko bor edi, u 36 ta gol urgan edi, ya’ni bizda ligani yorib yuborgan hujumchi bor edi. "Liverpul" Salohni huum markaziga yaqin joyda o‘ynatdi.
Ajablandim deganimda, uning samaradorligini ko‘zda tutdim. U "Roma"da yetarli gollar urganiga qaramay, gol urolmagan vaziyatlardan qattiq afsuslanar edi. Hozir to‘p uning oyog‘iga tegsa darvozaga borib tushyapti. Balki, APLda darvozalar kattaroqdir? Uning o‘yinini tomosha qilib, har safar gol urganida "YO, Xudoyim" deb qo‘yaman", - deydi Pallotta.
