“Бухоро” – “Қизилқум” (1:0) учрашувидан кейинги матбуот анжуманининг иккинчи қисмида мезбонлар устози Ҳамиджон Актамов ва грузиялик футболчи Элгужа Григалашвили журналистларнинг саволларига жавоб беришди.
-Бугунги ғалаба билан бухоролик мухлисларни табриклайман. Барча гувоҳ бўлди “дерби”га хос ўйин бўлди. Бугун мағлубиятга лойиқ ўйнамадик. Ютқизган бўлсак ҳам, футболчиларимизга ҳеч қандай эътироз йўқ. “Бухоро” билан бир неча кун олдин кубок баҳсида ҳам куч синашишга тўғри келганди. Бугун вазиятлардан фойдаланганимизда ютуқ биз томонда бўлиши ҳам мумкин эди. Гол уришга нима тўсқинлик қилди? Футбол шуниси билан қизиқ. Иккала жамоа ҳам 3 очко учун ҳаракат қилди. 20 мингдан ошиқ мухлис чиройли баҳсга гувоҳ бўлди. Яхши ўйин кўрсатиб, мағлуб бўлдик. Бунга стадионга йиғилганлар ҳам, ТВ орқали томоша қилаганлар ҳам гувоҳ бўлишди. Тўғри, яхши ўйнаб ютқизиш кишига алам қилади.
Элгужа Григалашвили: -Қийин ўйин бўлди. Ғалаба қозонишимиз ҳам мумкин эди. Аммо яратилган имкониятдан фойдалана олмадик. Қолаверса мезбонлар посбони ҳам бугун айрим вазиятларда жуда яхши ҳаракат қилиб, бизга гол уриши имконини бермади. Бу футбол. Ишлашда давом этамиз. Кейинги ўйинларда ғолиб чиқиб, мухлисларимизни хушнуд этишга уриниб кўрамиз.
