“Buxoro” – “Qizilqum” (1:0) uchrashuvidan keyingi matbuot anjumanining ikkinchi qismida mezbonlar ustozi Hamidjon Aktamov va gruziyalik futbolchi Elguja Grigalashvili jurnalistlarning savollariga javob berishdi.

-Bugungi g‘alaba bilan buxorolik muxlislarni tabriklayman. Barcha guvoh bo‘ldi “derbi”ga xos o‘yin bo‘ldi. Bugun mag‘lubiyatga loyiq o‘ynamadik. Yutqizgan bo‘lsak ham, futbolchilarimizga hech qanday e’tiroz yo‘q. “Buxoro” bilan bir necha kun oldin kubok bahsida ham kuch sinashishga to‘g‘ri kelgandi. Bugun vaziyatlardan foydalanganimizda yutuq biz tomonda bo‘lishi ham mumkin edi. Gol urishga nima to‘sqinlik qildi? Futbol shunisi bilan qiziq. Ikkala jamoa ham 3 ochko uchun harakat qildi. 20 mingdan oshiq muxlis chiroyli bahsga guvoh bo‘ldi. Yaxshi o‘yin ko‘rsatib, mag‘lub bo‘ldik. Bunga stadionga yig‘ilganlar ham, TV orqali tomosha qilaganlar ham guvoh bo‘lishdi. To‘g‘ri, yaxshi o‘ynab yutqizish kishiga alam qiladi.

Elguja Grigalashvili: -Qiyin o‘yin bo‘ldi. G‘alaba qozonishimiz ham mumkin edi. Ammo yaratilgan imkoniyatdan foydalana olmadik. Qolaversa mezbonlar posboni ham bugun ayrim vaziyatlarda juda yaxshi harakat qilib, bizga gol urishi imkonini bermadi. Bu futbol. Ishlashda davom etamiz. Keyingi o‘yinlarda g‘olib chiqib, muxlislarimizni xushnud etishga urinib ko‘ramiz.