Европа чемпионлар лигасининг ярим финалидан ўрин олган “Бавария” – “Реал Мадрид” учрашуви якунига етди. Унда меҳмонлар ирода кўрсатиб, 2:1 ҳисобида ғалаба қозонди.

Даслтлаб, 28-дақиқада Йозуа Киммих яккама-якка вазиятга чиқиб кетиб, Наваснинг яқин бурчагини нишонга олди. Шундан сўнг, “Реал” ўйин назоратини қўл остига олди. Шунинг натижасида 44-дақиқага келиб, Марсело ҳисобни тенглаштирди. Унинг тўхтатмай йўллаган зарбасини Свен Улрайх бартараф эта олмади. Шундай қилиб, жамоалар дуранг ҳисоби билан иккинчи бўлимга чиқиб кетишди.

Зидан иккинчи бўлимда Иско ўрнига Асенсиони майдонга туширди. Захирадан “Реал”га ёрдам бериш учун майдонга туширилган ёш футболчи Васкеснинг узатмасидан кейин ҳисобни 2:1 кўринига келтирди. Қолган дақиқалар ҳам шиддатли ўтди. Лекин ўйинда бошқа тўп киритилмади. Шу тариқа, “Реал” сафарда ирода кўрсатиб, “Бавария”ни мағлуб этди ва жавоб баҳси олдидан яхшигина устунликга эга бўлиб олди.

ЕЧЛ, Ярим финал.

Бавария – Реал Мадрид 1:2.

Голлар: 1:0 – 28 Киммих, 1:1 – 44 Марсело, 1:2 – 57 Асенсио.

Бавария – Ульрайх, Хуммельс, Боатенг (Зюле, 34), Рафинья, Мартинес (Толиссо, 75), Роббен (Алькантара, 8), Киммих, Хамес, Рибери, Левандовски, Мюллер.

Реал Мадрид – Навас, Варан, Марсело, Карвахаль (Бензема, 67), Рамос, Кроос, Каземиро (Ковачич, 83), Васкес, Модрич, Иско (Асенсио, 46), Роналду.

Огоҳлантиришлар: Рибери (52), Каземиро (78), Алькантара (89).