Аргентина терма жамоаси бош мураббийси жаҳон чемпионатига бориши керак бўлган футболчилар рўйхатини тузмоқда. У айни дамда 35 та футболчидан иборат кенгайтирилган рўйхатни эълон қилди. Улар орасида “Интер” ҳужумчиси Мауро Икарди ҳам бор.
Бироқ Икардининг мундиалга бориши сўроқ остида турибди. Чунки Сампаоли футболчи билан учрашиб, ўзининг тактикасига мос тушмаслигини бир нечта махсус видеолар орқали тушунтирган. Шунинг учун Икарди жаҳон чемпионатига бормаслиги мумкинлигини айтган.
Бироқ Икардида имконият бор, айни дамда “Манчестер Сити” ҳужумчиси Серхио Агуэро жароҳат олган ва мундиалга тикланмаслиги мумкин. Агар чиндан шундай бўлса, Икарди жаҳон чемпионатига бориши мумкин бўлади.
