«Нефтчи» хамда «Локомотив» (1:4) жамоалари ўртасидаги баҳсдан сўнг ўтказилган матбуот анжуманида меҳмонлар бош мураббийи Андрей Фёдоров ва Сардор Рашидовлар иштирок этишди.

- Гарчи ғалаба қозонган бўлсакда, бу ўйин ҳақида фикр билдириш  мен учун мушкул ҳисобланади. Чунки бу жамоада мен ҳам бир пайтлар фаолият олиб борганман. ”Нефтчи”дан кетганимдан кейин жамоа ўйинида ўзгариш кўп бўлганига гувоҳ бўлдим. Гарчи Фарғона жамоаси мағлуб бўлган бўлсада, йигитлар шижоат билан ҳаракат қилишди. Бу футбол. Унда кимдир ғалаба қозонса, кимдир мағлуб бўлади. Ўйинга келадиган бўлсак, ўйинни бошида бироз ўзимизга ўхшамадик. Кейин эса баҳс тизгинин ўз қўлимизга олдик. Бугун “Локомотив” тажриба ҳисобига ғалаба қозонди. Чунки бизда ўйин амалиёти рақибга нисбатан кўпроқ ҳисобланади. Лекин ҳамма рақибларга бир хил муносабатда бўламиз. Йигитларнинг ўйинидан мамнунман.

Сардор Рашидов: Қийин ўйин бўлди. “Нефтчи” ҳам ёмон ўйин кўрсатмади. Лекин “Локомотив” жамоаси фарғоналикларга нисбатан ғалабага лойиқ ўйин кўрсатди.

“Нефтчи” матбуот хизмати