«Neftchi» xamda «Lokomotiv» (1:4) jamoalari o‘rtasidagi bahsdan so‘ng o‘tkazilgan matbuot anjumanida mehmonlar bosh murabbiyi Andrey Fyodorov va Sardor Rashidovlar ishtirok etishdi.
- Garchi g‘alaba qozongan bo‘lsakda, bu o‘yin haqida fikr bildirish men uchun mushkul hisoblanadi. Chunki bu jamoada men ham bir paytlar faoliyat olib borganman. ”Neftchi”dan ketganimdan keyin jamoa o‘yinida o‘zgarish ko‘p bo‘lganiga guvoh bo‘ldim. Garchi Farg‘ona jamoasi mag‘lub bo‘lgan bo‘lsada, yigitlar shijoat bilan harakat qilishdi. Bu futbol. Unda kimdir g‘alaba qozonsa, kimdir mag‘lub bo‘ladi. O‘yinga keladigan bo‘lsak, o‘yinni boshida biroz o‘zimizga o‘xshamadik. Keyin esa bahs tizginin o‘z qo‘limizga oldik. Bugun “Lokomotiv” tajriba hisobiga g‘alaba qozondi. Chunki bizda o‘yin amaliyoti raqibga nisbatan ko‘proq hisoblanadi. Lekin hamma raqiblarga bir xil munosabatda bo‘lamiz. Yigitlarning o‘yinidan mamnunman.
Sardor Rashidov: Qiyin o‘yin bo‘ldi. “Neftchi” ham yomon o‘yin ko‘rsatmadi. Lekin “Lokomotiv” jamoasi farg‘onaliklarga nisbatan g‘alabaga loyiq o‘yin ko‘rsatdi.
“Neftchi” matbuot xizmati
