"Ливерпуль" бош мураббийи Юрген Клопп "Челси"га қарши учрашувда (0:1) ҳужумчи Муҳаммад Салоҳ олган сариқ карточка ҳақида гапирди.
Учрашув бош ҳаками Энтони Тэйлор 39-дақиқада "шўнғигани" учун Муҳаммад Салоҳга сариқ карточка кўрсатди. Бу мисрлик футболчининг ушбу мавсумдаги биринчи карточкаси бўлди
"Ҳа, бу шўнғиш бўлди, деб ўйлайман, шундайми? Ёки у контактни кутгандир, мен билмадим. Бу яхшимас. Буни ўзи ҳам хоҳламаса керак Аммо бу содир бўлди.
Бу вазиятда у жарима тўпи ишлай олмас эди. Бу нотўғри. Доим шундай бўлган. У яхшироқ ўйнай олади ва яна голлар ура олади. Бунга шубҳам йўқ", - дейди Клопп.
