Бу ўйин ҳеч нарсани ҳал қилмас эди. Шунга қарамай жуда ҳам шиддатли ўтди.
Биринчи ва энг асосий хулоса бу- «Барселона» ўзининг мағлубиятсиз «серия»сини давом эттирмоқда.
Бундай ҳолат Испания чемпионати тарихида кузатилмаган. Тўғри «Атлетик» (1929/30) ва «Реал Мадрид» (1931/32) бундай натижани қайд этган, аммо у пайти мавсум 38 ўйиндан эмас бор йўғи 18 турдан иборат эди. «Барса» сўнгги бор чемпионатда бундан бир йил-у, бир ой олдин «Малага» га мағлубиятга учраган. «Реал» бугун бу натижани «бузиш»га ҳаракат қилди. Аммо бундай бўлиб чиқмади.
Шуни алоҳида айтиб ўтиш керакки, «Барселона» иккинчи таймда бир киши кам бўлиб қолди. Серджи Роберто биринчи таймнинг сўнгида Марселонинг юзига ургани учун қизил карточка билан «сийланди». Бу «Классико» тарихидаги 2013-йилдан бери биринчи қизил карточка. Унгача пойтахт клуби шу давр мобайнида 6 бор хафа қилинган. "Жабрланганлар билан танишинг: Рамос, Иско, Рамос, Рамос, Криштиану ва Карвахал.
Серджи майдондан четлатилганида, бутун стадион норози бўлди. Бунга асосий сабаб арбитр Эрнандес Эрнандес Гарет Бейл Умтити нинг оёғига «ташланган» эди. Бу Умтитига жиддий жароҳат етказиши муқаррар бўлган ҳолат. Ҳакамлар эксперти Итурралде Гонсалес бу ҳолатга қуйидагича фикр билдирди: «Бу қўпол ўйин учун қип-қизил карточка берилиши керак». Ҳакам эса сариқ карточкани ҳам «қизғанди»
Бундан олдинроқ эса Рамосга нисбатан қўпол ҳаракат қилгани учун Месси огоҳлантирилган эди. Албатта, Мессининг сариқ олганидаги қўполлик шунга «тортар» эди. Аммо бу қўполлик келиб чиқишига асосий сабаб Суаресга бўлган қўполлик эди. Ҳакам биринчи ҳолатда жарима тўпини берганида иккинчи «жанжал» келиб чиқмаслиги тайин эди.
Cаdena CER радиоси орқали тўғридан тўғри эфирда Месси ҳакамга нисбатан « сен уларга ёрдам бераяпсан, аҳмоқ!» дегани ҳақида маълумот берди. Рамос ҳам «Барселона» юлдузи ҳакамга босим ўтгизишга ҳаракат қилганини тасдиқлади. «Билмадим сизларнинг бу йўлакчангизда камера борми ёки йўқ. Аммо бу футболдан ташқарида»-деди, норози оҳангда Рамос.
Классико ҳар доимгидек ажойиб ўтди. «Реал» Роналдусиз ўйнагани бу театрга ҳалақит берди. 14-дақиқадаги голдан сўнг у ўзини яхши ҳис қилмади. Иккинчи тайм олдидан у учрашувни давом эттира олмаслиги маълум бўлди. Зиданнинг сўзларига қараганда ҳаммаси жойида. У Давоми:
