"Атлетико"нинг ижрочи директори Мигель Анхель Хиль Марин "Барселона" раҳбариятига мурожаат қилди.
Аввалроқ, мадридликлар ҳужумчиси Антуан Гризманн "Барселона" билан шахсий шартнома борасида келишиб олгани ҳақида хабар қилинган эди.
"Биз "Барселона"нинг бундай муносабатидан чарчадик. Президент, футболчи ва директорлар кенгаши аъзоси Гризманнинг келааги ҳақида гапирмоқда, унинг эса амалдаги шартномаси бор, бунинг устига Европа лигаси финалига бир неча кун қолганида. Бу клубимиз ва мухлисларимизга нисбатан ҳурматсизликдан дарак беради.
"Атлетико"нинг мақсади аниқ ва кўп марта айтилган. Биз Гризманнинг трансфери бўйича музокара олиб борганимиз йўқ ва бундай қилмоқчи ҳам эмасмиз. Бир неча ой аввал мен шахсан "Барселона" президентига Антуаннинг сотилмаслигини айтганман.
Шу билан биргаликда, бундай ҳулқ тоза рақобатга тескари бўлиши айтганман, чунки бутун мавсум давомида чемпионлик учун кураш олиб борамиз. "Барселона" эса энг асосий ўйинчимизга босим ўтказмоқда.
Шунингдек, агар Гризманн босимга дош бермай, шартномасини бузадиган бўлса, "Барселона" номаъқул хатти-ҳаракатлар учун товон пули тўлашини ҳам айтганман", - Хиль Марин.
