2017/18 мавсумдаги Украина кубогининг финал ўйинида "Шахтёр" "Динамо Киев" устидан ғалаба қозониб, мусобақа рекордини ўрнатди. "Днепр-Арена" стадионида кечган учрашув 2:0 ҳисобида "Шахтёр" фойдасига ҳал бўлди.
47-дақиқада Факундо Феррейра ҳисобни очган бўлса, 61-дақиқада Ракицкий ҳам гол киритиб, жамоасининг ишончли ғалабасини таъминлади.
Маълумот учун, "Шахтёр" ушбу мусобақада қаторасига 3-маротаба, умумий ҳисобда эса 12-маротаба зафар қучмоқда. Бу натижа мусобақа учун рекорд ҳисобланади. "Динамо" ҳисобида эса 11та ғалаба бор.
Динамо Киев – Шахтёр 0:2
Голлар: 0:1 – 47 Феррейра, 0:2 – 61 Ракицкий.
