Хабарингиз бор, Суперлиганинг 11-турида жамоамиз ўз майдонида Навоийнинг «Қизилқум» клубини қабул қилади.

Мазкур жамоаларнинг Суперлига (олий лига)даги ўзаро ўйинлари статискасига назар ташлайдиган бўлсак, бу 2 клуб 36 марта ўзаро рўбарў бўлишган. Ушбу баҳсларда “Навбаҳор” 13 марта, навоийликлар эса 12 марта ғалаба нашидасини суришган, 11та учрашувда эса дуранг қайд этилган. Тўплар нисбати бўйича устунлик вакилларимиз томонида -  47–42. Ўзаро ўйинларда “лочинлар” 50, “Қизилқум” 47 очкони қўлга киритган.

“Навбаҳор”нинг  навоийликлар устидан қозонган энг йирик ҳисобдаги ғалабаси – 4:0 бўлса, “Қизилқум”нинг бу борадаги натижаси 3:0га тенг.

Наманганда ўтказилган сўнгги 5 учрашувда “Қизилқум” 1 марта зафар қучиб, 4 марта имкониятни бой берган.     

“Навбаҳор” майдонида бўлиб ўтган сўнгги беш учрашув:

17.08.2017 «Навбаҳор» - «Қизилқум» -  3:2

29.10.2016 «Навбаҳор» - «Қизилқум» -  0:2

30.10.2015 «Навбаҳор» - «Қизилқум» -  2:1

17.10.2014 «Навбаҳор» - «Қизилқум» -  2:0

18.10.2013 «Навбаҳор» - «Қизилқум» -  1:0.

Намангандаги ўзаро ўйинлар ҳақида факт: Мазкур жамоалар ўртасидаги Наманганда ўтказилган баҳсларда 9 марта мезбонлар ғалаба қозонишган,

6 марта дуранг қайд этилган, 3та ўйинда навоийликлар зафар қучишган.

Эслатиб ўтамиз, “Навбаҳор” – “Қизилқум” учрашуви 12 май куни Наманган шаҳридаги “Марказий” ўйингоҳда соат 20:30да бошланади.