“Арсенал” клуби бош мураббийи Арсен Венгер “Хаддерсфилд”га қарши ўйиндан сўнг, келажаги ҳақида фикрларини билдириб ўтди.
“Албатта, бу ҳаяжонли дақиқалар, бир жамоада 1235 та ўйин ўтказиш осон эмас. Бу лаҳзадан бахраманд бўлиш учун бизга бугун ғалаба керак эди. Ғалабалар мени янада бахтлироқ қилади.
Енгиллик ҳис қиляпманми? Йўқ, ҳозир хафаман. Ҳамма нарса бир кун келиб тугайди. Тўғри, бу ҳолатга кўникиш бироз қийин, лекин ўрганишга мажбурман.
Аммо мен доимо “Арсенал” мухлиси бўлиб қоламан. Футболда қоламан. Мураббийлик ишидами... Мен футбол касалиман ва бундай касалликдан қутулишни хоҳламайман”, - дейди Венгер.
