“Arsenal” klubi bosh murabbiyi Arsen Venger “Xaddersfild”ga qarshi o‘yindan so‘ng, kelajagi haqida fikrlarini bildirib o‘tdi.

“Albatta, bu hayajonli daqiqalar, bir jamoada 1235 ta o‘yin o‘tkazish oson emas. Bu lahzadan baxramand bo‘lish uchun bizga bugun g‘alaba kerak edi. G‘alabalar meni yanada baxtliroq qiladi.

Yengillik his qilyapmanmi? Yo‘q, hozir xafaman. Hamma narsa bir kun kelib tugaydi. To‘g‘ri, bu holatga ko‘nikish biroz qiyin, lekin o‘rganishga majburman.

Ammo men doimo “Arsenal” muxlisi bo‘lib qolaman. Futbolda qolaman. Murabbiylik ishidami... Men futbol kasaliman va bunday kasallikdan qutulishni xohlamayman”, - deydi Venger.