"Ювентус" бош мураббийи Массимилиано Аллегри клубдан кетиши ҳақидаги саволга жавоб берди.
"Агар истеъфога чиқаришмаса, кейинги мавсум ҳам "Ювентус"да қоламан.
Бу масала менинг келажагим ҳақида эмас. Бу "Ювентус" келажаги учун режадир. Ютуқларни нишонлаб бўлганимиздан сўнг соғлом ақл билан музокаралар столига ўтирамиз ва ҳаммасини муҳокама қиламиз.
Янги мавсум бошлаганимизда, бизда яна ноль очко бўлади. Биз ўзимизнинг рақобатбардошлигимизни яна кўрсатишимиз керак", - дейди Аллегри.
Аввалроқ, Аллегри "Арсенал"ни бошқариши мумкинлиги ҳақида хабарлар тарқалган эди.
