Бугун “Насаф” клубида бош ҳомий – “Шўртан газ кимё мажмуаси” раҳбарияти иштирокида йиғилиш бўлиб ўтди. Унда битта масала “Насаф” ПФК бош менеджери ҳақидаги масала кўриб чиқилди.
2012 йилдан клубда бош менеджер лавозимида фаолият юритган Шамил Самигулович Ярулин ўз аризасига мувофиқ, соғлиги ёмонлашгани туфайли лавозимидан озод қилинди.
Клуб бош ҳомийси - “Шўртан газ кимё мажмуаси” раҳбарияти томонидан “Насаф”га бош менеджер этиб, шу пайтгача “Насаф” футбол мактабини бошқариб келган Сергей Петрович Кучеренко тайинланди.
Ш.С.Ярулин 2012 йилдан бери “Насаф”да бош менеджер вазифасида ишлаб келаётганди. Шу вақт мобайнида клуб инфратузилмаси анча ривожланди. “Насаф” жамоаси ҳам қатор ютуқларни қўлга киритди.
