Франция терма жамоаси бош мураббийи Дидье Дешам "ПСЖ" яримҳимоячиси Адриен Рабионинг терма жамоа таклифига рад жавоб берганини изоҳлади.
Рабио ЖЧ-2018 олдидан 23 футболчилик рўйхатига қўшилмагани учун кенгайтирилган таркибда терма жамоа ихтиёрига боришдан бош тортган эди.
"Рабионинг қароридан ажабландим. Аммо у катта хатога йўл қўйди. Юқори савиядаги жамоаларда кайфиятга ўрин йўқ. У ўзига ёмон қиляпти. Вақти келиб, унинг улғайишига умид қиламан. Буни ёдда сақлаб қўяман, бу воқеадан хурсанд бўлдим деб айта олмайман. Бу мавзуда бошқа гапирмайман", - дейди Дешам.
