2026/2027 йилги мавсумга тайёргарлик доирасида ўтказилган ўртоқлик учрашувида Испаниянинг «Барселона» ҳамда Италиянинг «Удинезе» жамоалари майдонга тушди. Учрашув қисқартирилган форматда ўтказилиб, 45 дақиқа давом этди.
Удине шаҳридаги «Блюэнержи» стадионида бўлиб ўтган баҳсда «Удинезе» футболчилари 1:0 ҳисобида ғалаба қозонди.
Учрашувдаги ягона голни мезбонлар ҳужумчиси Вакун Байо 45-дақиқада урди.
Ўтган мавсум Испания чемпионатида «Барселона» 94 очко жамғариб, турнир жадвалида биринчи ўринни эгаллади. Каталонияликлар иккинчи ўриндаги Мадриднинг «Реал» клубидан саккиз очко олдинда бўлди.
Италия чемпионатининг ўтган мавсумида эса «Удинезе» 50 очко тўплаб, турнир жадвалида 10-ўринни эгаллади.
