"Манчестер Юнайтед" клуби ва Аргентина терма жамоаси дарвозабони Серхио Ромеронинг турмуш ўртоғи Элиана Герсио унинг эри ЖЧ-2018 мусобақасигача тикланишини маълум қилди.
Аввалроқ, 31 ёшли дарвозабон тиззасидан ароҳат олгани ва мундиални ўтказиб юбориши мумкинлиги хабар қилинган эди.
"Ҳеч қандай синиш йўқ. Серхионинг тоғай суюгида кичик муаммо бор. Шифокорлар ЖЧ-2018 гача соғайишини айтишди.
Тикланишга кўпи билан 2-3 ҳафта кетади, аммо эримни яхши билган ҳолда айтишим мумкинки, у биринчи ўйингаёқ тайёр бўлади", - дейди Герсио.
