Германиянинг Мюнхен шаҳри ўқ отиш спорт тури бўйича жаҳон кубоги сериясининг тўртинчи босқичига мезбонлик қилмоқда. Мусобақада дунёнинг 84 та мамлакатидан 817 нафар спортчи саккизта индивидуал ва иккита аралаш машқларда юқори ўринларни қўлга киритиш учун мерганлик салоҳиятини намойиш этишади.
Жаҳон кубогининг мазкур босқичида иштирок этиш учун ҳамюртларимиз Сакина Мамедова ҳамда Вадим Скороваровлар ҳам жўнаб кетишган.
Спортчиларимиздан биринчи бўлиб С.Мамедова эртага 10 метрлик нишонга пневматик милтиқдан ўқ отиш бўйича саралаш баҳсларида иштирокини бошлади.
Ушбу мусобақада спортчиларимизга омад тилаймиз.
