Pepsi Суперлига 13-тури доирасида Наманганнинг “Навбаҳор” клуби ўз майдонида Олмалиқнинг АГМК жамоасини қабул қилади.
Мазкур рақиблар шу кунга қадар миллий чемпионатларимизда 21 марта куч синашишган. Ўзаро ўйинларда наманганликлар 6 марта, олмалиқликлар эса 10 марта зафар қучишган. Бешта учрашувда эса кучлар тенг келган. Тўплар нисбатидаги кўрсаткич 30:32, АГМК фойдасига.
Жорий мавсумнинг биринчи даврасидаги Олмалиқда кечган баҳсда футболчиларимиз 2:1 ҳисобида ғалаба қозонишган.
Жамоаларнинг ўзаро ўйинлари тарихига назар ташлайдиган бўлсак, олий лигадаги қарама-қаршиликка 2008 йилда асос солинган. Ўша йили Наманганда ўтказилган дастлабки учрашувда “лочинлар” 2:0 ҳисобида зафар қучишганди. Олмалиқдаги жавоб ўйинида эса жамоалар дурангга имзо чекишганди – 1:1.
Жамоалар Наманганда шу кунга қадар 10 учрашув ўтказишган. Мазкур баҳсларда ҳар икки жамоа учтадан ютуққа эришган бўлса, тўртта ўйинда томонлар дурангга имзо чекишган. Тўплар нисбатидаги кўрсаткич 15:13, “Навбаҳор” фойдасига.
Олмалиқда ўтказилган 11та баҳснинг еттитасида мезбонлар ғалаба нашидасини суришган бўлса, жамоамиз 3 марта зафар қучган. Битта учрашувда эса томонлар муроса кўчасини танлашган. Тўплар нисбатидаги кўрсаткич 19:15, АГМК фойдасига.
Бўлажак баҳсда севимли жамоамизга омад ёр бўлишини тилаймиз.
Жамоаларнинг ўзаро барча ўйинлари натижалари:
2008 йил
"Навбаҳор" - ОТМК - 2:0 (1:0)
Голлар: Ш.Мирхолдиршоев (25), Д.Ҳожиев (85).
ОТМК - "Навбаҳор" - 1:1 (0:1)
Голлар: Ш.Муллажонов (66) - Ш.Шарипов (10).
2009 йил
"Навбаҳор" - "Олмалиқ" - 0:0
"Олмалиқ" - "Навбаҳор" - 2:0 (1:0)
Голлар: С.Усмонхўжаев (27), Б.Ҳайдаров (72-пен.).
2010 йил
"Олмалиқ" - "Навбаҳор" - 2:1 (0:0)
Голлар: И.Эргашев (64), М.Мамазулумов (85) - Ғ.Жўраев (51).
"Навбаҳор" - "Олмалиқ" - 0:1 (0:0)
Гол: Н.Отақўзиев (68).
2011 йил
"Навбаҳор" - "Олмалиқ" - 0:1 (0:0)
Гол: З.Пиримов (80).
"Олмалиқ" - "Навбаҳор" - 0:3 (0:1)
Голлар: А.Султонов (42,67), А.Абдуллаев (88).
2012 йил
"Олмалиқ" - "Навбаҳор" - 1:0 (0:0)
Гол: А.Востриков (7).
"Навбаҳор" - "Олмалиқ" - 3:1 (2:0)
Голлар: С.Ҳамидов (8,20), Ж.Ирисметов (60) - С.Бердиев (74).
2013 йил
"Олмалиқ" - "Навбаҳор" - 3:4 (1:1)
Голлар: Ш.Эркинов (6), Д.Туропов (52), Е.Гоголь (81) - А.Баҳриддинов (28,54), Р.Аҳмедов (67,70).
"Навбаҳор" - "Олмалиқ" - 1:3 (1:3)
Голлар: С.Ҳамидов (5) - О.Жўрабоев (23), С.Шоаҳмедов (32,35).
2014 йил
"Навбаҳор" - "Олмалиқ" - 3:1 (2:1)
Гол: Б.Ёқубов (36), Ш.Эркинов (39,63) - Ш.Ҳакимов (28).
"Олмалиқ" - "Навбаҳор" - 3:1 (1:1)
Голлар: А.Исроилов (6),С.Шоаҳмедов (52,83) - Ш.Эркинов (31).
2015 йил
"Навбаҳор" - "Олмалиқ" - 2:2 (1:1)
Гол: Ш.Эркинов (38,68) - Ш.Саломов, (45+2), А.Омонов (59).
"Олмалиқ" - "Навбаҳор" - 2:1 (1:0)
Голлар: С.Қуттибоев (5,65) - Д.Жабборов (69).
2016 йил
"Олмалиқ" - "Навбаҳор" - 2:1 (1:0)
Голлар: А.Омонов (4), Ф.Тожиев (22) - А.Ражабов (71).
"Навбаҳор" - "Олмалиқ" - 3:3 (0:2)
Голлар: А.Абдуллаев (47), И.Исоқжонов (49), А.Маҳмудов (72) - Х.Мухторов (7), М.Исаев (28), А.Аманов (50).
2017 йил
“Олмалиқ” – “Навбаҳор” – 2:1 (1:0)
Голлар: С.Рихсибоев (13), И.Йелич (89) – О.Ўрунов (90).
“Навбаҳор” – “Олмалиқ” – 1:1 (0:0)
Голлар: Н.Йованович (83) – Ш.Муллажонов (90+2).
2018 йил
АГМК – “Навбаҳор” – 1:2 (0:0)
Голлар: З.Полвонов (82) – А.Турғунбоев (50), Д.Жабборов (90+2).
“Навбаҳор” ПФК матбуот хизмати.
