Pepsi Superliga 13-turi doirasida Namanganning “Navbahor” klubi o‘z maydonida Olmaliqning AGMK jamoasini qabul qiladi.
Mazkur raqiblar shu kunga qadar milliy chempionatlarimizda 21 marta kuch sinashishgan. O‘zaro o‘yinlarda namanganliklar 6 marta, olmaliqliklar esa 10 marta zafar quchishgan. Beshta uchrashuvda esa kuchlar teng kelgan. To‘plar nisbatidagi ko‘rsatkich 30:32, AGMK foydasiga.
Joriy mavsumning birinchi davrasidagi Olmaliqda kechgan bahsda futbolchilarimiz 2:1 hisobida g‘alaba qozonishgan.
Jamoalarning o‘zaro o‘yinlari tarixiga nazar tashlaydigan bo‘lsak, oliy ligadagi qarama-qarshilikka 2008 yilda asos solingan. O‘sha yili Namanganda o‘tkazilgan dastlabki uchrashuvda “lochinlar” 2:0 hisobida zafar quchishgandi. Olmaliqdagi javob o‘yinida esa jamoalar durangga imzo chekishgandi – 1:1.
Jamoalar Namanganda shu kunga qadar 10 uchrashuv o‘tkazishgan. Mazkur bahslarda har ikki jamoa uchtadan yutuqqa erishgan bo‘lsa, to‘rtta o‘yinda tomonlar durangga imzo chekishgan. To‘plar nisbatidagi ko‘rsatkich 15:13, “Navbahor” foydasiga.
Olmaliqda o‘tkazilgan 11ta bahsning yettitasida mezbonlar g‘alaba nashidasini surishgan bo‘lsa, jamoamiz 3 marta zafar quchgan. Bitta uchrashuvda esa tomonlar murosa ko‘chasini tanlashgan. To‘plar nisbatidagi ko‘rsatkich 19:15, AGMK foydasiga.
Bo‘lajak bahsda sevimli jamoamizga omad yor bo‘lishini tilaymiz.
Jamoalarning o‘zaro barcha o‘yinlari natijalari:
2008 yil
"Navbahor" - OTMK - 2:0 (1:0)
Gollar: SH.Mirxoldirshoyev (25), D.Hojiyev (85).
OTMK - "Navbahor" - 1:1 (0:1)
Gollar: SH.Mullajonov (66) - SH.SHaripov (10).
2009 yil
"Navbahor" - "Olmaliq" - 0:0
"Olmaliq" - "Navbahor" - 2:0 (1:0)
Gollar: S.Usmonxo‘jayev (27), B.Haydarov (72-pen.).
2010 yil
"Olmaliq" - "Navbahor" - 2:1 (0:0)
Gollar: I.Ergashev (64), M.Mamazulumov (85) - G‘.Jo‘rayev (51).
"Navbahor" - "Olmaliq" - 0:1 (0:0)
Gol: N.Otaqo‘ziyev (68).
2011 yil
"Navbahor" - "Olmaliq" - 0:1 (0:0)
Gol: Z.Pirimov (80).
"Olmaliq" - "Navbahor" - 0:3 (0:1)
Gollar: A.Sultonov (42,67), A.Abdullayev (88).
2012 yil
"Olmaliq" - "Navbahor" - 1:0 (0:0)
Gol: A.Vostrikov (7).
"Navbahor" - "Olmaliq" - 3:1 (2:0)
Gollar: S.Hamidov (8,20), J.Irismetov (60) - S.Berdiyev (74).
2013 yil
"Olmaliq" - "Navbahor" - 3:4 (1:1)
Gollar: SH.Erkinov (6), D.Turopov (52), YE.Gogol (81) - A.Bahriddinov (28,54), R.Ahmedov (67,70).
"Navbahor" - "Olmaliq" - 1:3 (1:3)
Gollar: S.Hamidov (5) - O.Jo‘raboyev (23), S.SHoahmedov (32,35).
2014 yil
"Navbahor" - "Olmaliq" - 3:1 (2:1)
Gol: B.YOqubov (36), SH.Erkinov (39,63) - SH.Hakimov (28).
"Olmaliq" - "Navbahor" - 3:1 (1:1)
Gollar: A.Isroilov (6),S.SHoahmedov (52,83) - SH.Erkinov (31).
2015 yil
"Navbahor" - "Olmaliq" - 2:2 (1:1)
Gol: SH.Erkinov (38,68) - SH.Salomov, (45+2), A.Omonov (59).
"Olmaliq" - "Navbahor" - 2:1 (1:0)
Gollar: S.Quttiboyev (5,65) - D.Jabborov (69).
2016 yil
"Olmaliq" - "Navbahor" - 2:1 (1:0)
Gollar: A.Omonov (4), F.Tojiyev (22) - A.Rajabov (71).
"Navbahor" - "Olmaliq" - 3:3 (0:2)
Gollar: A.Abdullayev (47), I.Isoqjonov (49), A.Mahmudov (72) - X.Muxtorov (7), M.Isayev (28), A.Amanov (50).
2017 yil
“Olmaliq” – “Navbahor” – 2:1 (1:0)
Gollar: S.Rixsiboyev (13), I.Yelich (89) – O.O‘runov (90).
“Navbahor” – “Olmaliq” – 1:1 (0:0)
Gollar: N.Yovanovich (83) – SH.Mullajonov (90+2).
2018 yil
AGMK – “Navbahor” – 1:2 (0:0)
Gollar: Z.Polvonov (82) – A.Turg‘unboyev (50), D.Jabborov (90+2).
“Navbahor” PFK matbuot xizmati.
