Хитойнинг Хоххот шаҳрида дзюдо бўйича 2020 йилги Олимпия ўйинларига рейтинг очколарини тақдим этувчи Гран-При мусобақаси старт олди.
Ушбу баҳсларда Ўзбекистон терма жамоаси спортчилари ҳам иштирок этишлари ҳақида хабар бергандик.
Бугун мусобақага старт берилди. Дастлабки кун дастурида уч нафар ҳамюртимиз татамига чиқиши режалаштирилганди.
-66кг вазн тоифасидаги беллашувларда иштирок этган ҳамюртларимиз Шаҳрам Аҳадов ва Сардор Нуриллаевлар учинчи даврагача етиб бориб, имкониятни бой бериб қўйишди. Қизлар ўртасида -57кг вазн тоифасида баҳсларда қатнашган Амангул Алланазарова эса илк даврада мағлубиятга учради.
27 майга қадар давом этадиган мусобақада ҳали яна қуйидаги спортчиларимиз совринли ўринлар учун кураш олиб борадилар:
-73кг: Ғиёсжон Бобоев
-73кг: Мирзохид Фармонов
-81кг: Шарофиддин Болтабоев
-90кг: Шаҳзодбек Собиров
-100кг: Муҳаммадкарим Ҳуррамов
+100кг: Иҳтиёр Холмуродов
+100кг: Бекмурод Олтибоев
Аёллар:
-70кг: Гулноза Матниёзова
