"Реал" бош мураббийи Зинедин Зидан ўз вазифасидан кетишини эълон қилди.
Шу соатларда бўлиб ўтказилган шошилинч матбуот анжуманида "Реал" устози истеъфосини эълон қилди. Матбуот анжуманида мадридликлар президенти Флорентино Перес ҳам иштирок этди.
"Мен "Реал"даги ишимни давом эттирмасликка қарор қилдим. Бу кутилмаган вазият, аммо жамоа ғалаба қозонишда давом этиши учун унга ўзгаришлар, янгича ёндошув ва янгича услуб керак. Шунинг учун шу қарорга келдим.
Мен бу клубга ва унинг президентига катта меҳр билан қарайман", - дейди Зидан.
Франциялик мутахассис Мадрид жамоасини мавсум-2015/16 давомида қабул қилиб олди ва уч марта ЕЧЛ мусобақасида ғолиб чиқди.
