"Реал" бош мураббийи Зинедин Зидан истеъфосини ълон қилганидан сўнг фикрларини айтди.
"Албатта, биз яна кўришишимиз мумкин. Мадрид менга ҳамма нарса берди, мен шу ерда, бутун умр шу клубда бўламан. Кўпчиликка менинг қарорим маънисиз туюлар, аммо ўзгаришлар вақти келганини ҳис қилдим.
Бутун умримни футболда ўтказдим, аввал ўйинчи, кейин мураббий сифатида. Бу ўйинни ва ундаги ҳаммани севаман. Ўз мухлисларимга миннатдорчилик изҳор қиламан. Бизда қийин даврлар бўлди, ҳаммасидан биргаликда ўтдик, мухлисларимиз ҳар доим бизни қўллаб турдилар. Бу мен учун ҳам, ўйинчилар учун ҳам жуда муҳим эди.
Ўзгаришлар ўйинчиларга ҳам керак. Бу йиллар давомида майдонга тушиб курашганликлари учун уларга миннатдорчилик билдираман. Бу клубнинг тарихи буюк биз доим футболчилардан кўпроғини талаб қилиб уларга босим ўтказамиз. Аммо шундай вазият ҳам келади... Улар менинг қароримдан хабардорлар, ҳаммасига хабар бердим. Серхио Рамос билан гаплашишга улгурдим", - дейди Зидан.
