"Реал"нинг собиқ устози Фабио Капелло мадридликлар бош мураббийи Зинедин Зиданнинг истеъфосига муносабатини билдирди.

"У Мадриддаги муҳит яхши бўлмагани учун кетишга қарор қилди. Агар чемпионлар лигасида ғолиб бўлмаганида истеъфога чиқаришларини билар эди.

У қўлга киритган совринлардан сўнг, албатта, буюклар орасига кирди. У "Реал" тарихида энг яхши мураббийлардан бири бўлганига қарамай, энди бошқа клубларда ҳам ўзини кўрсатиши керак. Унинг ўрнига Гути, Конте ёки Сарри тайинланса керак. Почеттино ҳам Испанияни яхши билади ва маълум ўйин услубига эга.

"Реал"да доим баҳслар кўп бўлган ва Перес ҳар доим мураббий бўлишни истаган. У ғалаба қозонса - бахтиёр, агаг акси бўлса бунга кимдир айбдор бўлади. У ерда ишлаганимда ғалаба қозонганман, аммо барибир у мени истеъфога чиқарган", - дейди Капелло.