Зинедин Зиданнинг "Реал"дан истеъфога чиқиши унинг ёрдамчилари учун мутлақо кутилмаган ҳолат бўлиб чиқди.
Франциялик 45 ёшли мутахассис пайшанба куни шошилинч матбуот анжумани ўтказиб, мадридликлар сафини тарк этишини эълон қилган эди.
26 май куни ЕЧЛ финалида "Ливерпуль" устидан ғалабадан сўнг (3:1) "Реал" қаторасига учинчи марта бу мусобақа ғолиби бўлди. Ғалабанинг эртаси куни ўз ёрдамчиларига юзланиб, 31 май, пайшанба куни янги мавсумга тайёргарлик юзасидан йиғилиш бўлишини айтган. Чоршанба куни барча ёрдамчиларига смс юбориб, ҳеч қандай тушинтирувларсиз, ушбу йиғилиш бўлмаслигини хабар қилган.
Манбага кўра, Зидан ёрдамчилари охиригача унинг клубни тарк этишини билмаганлар.
