Аргентина терма жамоасининг собиқ ҳужумчиси Диего Марадона колумбиянинг Кали шаҳрида шифохонага тушиб қолди ва у тиззасидан операция қилиниши мумкин, дея хабар беради The Sun.
Марадона бир неча ойдан буён чап тиззаси соҳасида оғриқ ҳис қилиб келган. Агар операция қилиш лозим деб топилса, 17 йил аввал Марадонанинг ҳар икки тиззасида операция ўтказган жарроҳ Герман Очоа яна ишга киришиши мумкин. Марадона шифохонада олти-саккиз кунни ўтказиши кутилмоқда.
Эслатиб ўтамиз, Марадона май ойида Брестнинг "Динамо" клуби бошқаруви раиси этиб тайинланган эди.
