Россиянинг Тольятти шаҳрида гандбол бўйича 2002-2003 йилларда туғилган спортчилар ўртасида халқаро мусобақа бўлиб ўтди.

Ушбу турнирда ўзбекистонлик ёш қўл тўпи усталари ҳам иштирок этишди. Ҳамюртларимиз ўз гуруҳларида Озарбайжоннинг Боку, шунингдек, Москва, УГНТУ-ВНЗМ-2, Тольятти-2, СГК-Гвардия жамоаларини мағлубиятга учратиб, кейинги босқичга йўл олишди. Сўнгги босқичда эса вакилларимиз иккита ғалаба ва битта мағлубият қайд этган ҳолда иккинчи бўлишди. Биринчи ўринни Тольятти-1 жамоаси қўлга киритган бўлса, учинчи ўрин «Щёлково»га насиб қилди.

Қизларимиз эса Тольятти, Москва, Кустанай жамоаларини мағлуб этиб, мусобақа якунларига кўра учинчи ўринни қўлга киритдилар.