Rossiyaning Tolyatti shahrida gandbol bo‘yicha 2002-2003 yillarda tug‘ilgan sportchilar o‘rtasida xalqaro musobaqa bo‘lib o‘tdi.

Ushbu turnirda o‘zbekistonlik yosh qo‘l to‘pi ustalari ham ishtirok etishdi. Hamyurtlarimiz o‘z guruhlarida Ozarbayjonning Boku, shuningdek, Moskva, UGNTU-VNZM-2, Tolyatti-2, SGK-Gvardiya jamoalarini mag‘lubiyatga uchratib, keyingi bosqichga yo‘l olishdi. So‘nggi bosqichda esa vakillarimiz ikkita g‘alaba va bitta mag‘lubiyat qayd etgan holda ikkinchi bo‘lishdi. Birinchi o‘rinni Tolyatti-1 jamoasi qo‘lga kiritgan bo‘lsa, uchinchi o‘rin «Shyolkovo»ga nasib qildi.

Qizlarimiz esa Tolyatti, Moskva, Kustanay jamoalarini mag‘lub etib, musobaqa yakunlariga ko‘ra uchinchi o‘rinni qo‘lga kiritdilar.