"Барселона" клуби ва Рагентина терма жамоаси ҳужумчиси Лионель Мессининг турмуш ўртоғи Антонелла Рокуццо терма жамоанинг Хорватиядан учраган мағлубиятидан сўнг (0:3)ижтимоий тармоқларнинг бирида норози ишқибозларнинг ҳужумига дучор бўлди.

Аргентина ва Хорватия ўйини олдидан Рокуццо итимоий тармоққа икки фарзандининг фотосуратини жойлади ва шундай тагсўз ёзди: "Олға, дада!". Аммо ўйиндан сўнг ғазабланган ишқибозлар унинг аккаунтига ҳақоратлар ёғдирдилар.

Ишқибозлардан бири шундай деб ёзади: "Эриннга айт, авлодини давом эттиришни тўхтатсин ва ўзини "Барселона"га бағишласин. Бу Жаҳон чемпионати, кўча футболи эмас".

Яна бири шундай деб ҳазил қилади: "Мессининг болалари тез орада ўз оталари билан кўришадилар, чунки Аргентина гуруҳдан чиқа олмайди".

Шу билан бирга Месси ва унинг оиласини ҳимоя қилган кўплаб одамлар ҳам бўлди.