"Barselona" klubi va Ragentina terma jamoasi hujumchisi Lionel Messining turmush o‘rtog‘i Antonella Rokusso terma jamoaning Xorvatiyadan uchragan mag‘lubiyatidan so‘ng (0:3)ijtimoiy tarmoqlarning birida norozi ishqibozlarning hujumiga duchor bo‘ldi.

Argentina va Xorvatiya o‘yini oldidan Rokusso itimoiy tarmoqqa ikki farzandining fotosuratini joyladi va shunday tagso‘z yozdi: "Olg‘a, dada!". Ammo o‘yindan so‘ng g‘azablangan ishqibozlar uning akkauntiga haqoratlar yog‘dirdilar.

Ishqibozlardan biri shunday deb yozadi: "Erinnga ayt, avlodini davom ettirishni to‘xtatsin va o‘zini "Barselona"ga bag‘ishlasin. Bu Jahon chempionati, ko‘cha futboli emas".

Yana biri shunday deb hazil qiladi: "Messining bolalari tez orada o‘z otalari bilan ko‘rishadilar, chunki Argentina guruhdan chiqa olmaydi".

Shu bilan birga Messi va uning oilasini himoya qilgan ko‘plab odamlar ham bo‘ldi.