«Барселона» клуби ва Аргентина терма жамоаси ҳужумчиси бугун 31 ёшга тўлди.
Шу муносабат билан Москвадаги кондитер маҳсулотлари ишлаб чиқарувчи фирмаларидан бири аргентиналик футболчининг шакладаги улкан торт пиширди. Вазни 60 килограмм келадиган ушбу маҳсулот бугун Аргентина терма жамоаси вакилларига топширилиши кутилмоқда.
Аргентина терма жамоаси ЖЧ-2018нинг иккита туридан кейин атиги 1 очко тўплаган ҳолда мусобақани тарк этиш хавфи остида турибди. Мессининг ўзи ҳозирча Мундиалда гол урмади. У Исландияга қарши ўйинда пенальтидан гол ура олмади.
