Аргентина терма жамоаси нимчорак финалда Францияга қарши тўқнаш келади. Мазкур ўйин 30 июнь куни Қозон шаҳрида бўлиб ўтди.
«Бизнес Online» нашри тарқатган хабарга кўра, Қозонда жаҳон чемпионати учун 2та меҳмонхона лицензиядан ўтказилган: «Рамада» ва «Мираж».
Франция терма жамоаси «Мираж» отелини танлашди. Боиси, улар гуруҳ босқичининг 1-тури доирасида бўлиб ўтган Австралияга қарши ўйин пайтида ушбу меҳмонхонада истиқомат қилишганди.
Аргентина учун «Рамада» отели қолмоқда. Қизиқ томони, ушбу меҳмонхона ёнида жойлашган бинонинг ташқи фасадига Криштиану Роналдунинг улкан сурати туширилган. Аргентиналиклар "Рамада" деразаларини очишса, португалиялик футболчининг суратига кўзлари тушади.
