Шу кунларда Қозоғистонда велоспорт бўйича Астана шаҳрининг 20 йиллигига бағишланган «Астана Кубоги» мусобақаси бўлиб ўтмоқда.
Ушбу велопойгаларда Россия, Озарбайжон, Беларусь, Украина, Молдова, Қозоғистон, Қирғизистон, Тожикистон, Ўзбекистон мамлакатларидан ташриф буюрган 100 нафардан ортиқ велоспортчилар иштирок этишмоқда. Кеча ўтказилган баҳсларда ҳамюртимиз Б.Раҳимбоев иккинчи, Д.Сирко эса тўртинчи ўринни эгаллади. Айни пайтда терма жамоамиз спортчилари умумий ҳисобда иккинчи ўринни эгаллаб турибдилар. Беллашувлар давом этмоқда.
Эслатиб ўтамиз, бунгача велоспортчиларимиз 14-18 июнь кунлари Қозоғистонда ташкил қилинган турнирда муваффақиятли иштирок этгандилар.
