Юртимиздаги мактабгача таълим муассаса тарбияланувчиларини ёзги таътил давомида бўш вақтларини мазмунли ташкил этиш, спортга бўлган қизиқишларини уйғотиш, оммавий спорт турларига жалб қилиш, Ватанга меҳр-садоқат туйғуларини шакллантириш, соғлом турмуш тарзи талаблари асосида тарбиялаш Ўзбекистон Профессионал футбол лигаси, Республика ихтисослаштирилган Олимпия захиралари мактаб интернати ва Чилонзор тумани мактабгача таълим бўлими ҳамкорлигида мақсадида “Ёшларимиз – келажагимиз” давлат дастури доирасида “Спортга илк қадам” лойиҳасининг навбатдаги ташрифи ташкил этилди.
Чилонзор туманида жойлашган 204 ҳамда 561-мактабгача таълим муассасасининг жажжи тарбияланувчилари Республика олимпия захиралари коллежида бўлиб, бу ерда улар учун футбол спорт тури бўйича малакали мутахассислар томонидан мастер класслар ташкил қилинди.
Кейин эса шу ернинг ўзида болажонлар иштирокида футбол мусобақаси ташкил қилинди. Мусобақада 561-мактабгача таълим муассасасининг болажонлари 2:1 ҳисобида ғолибликни қўлга киритишди. Ғолибларга Ўзбекистон Профессионал футбол лигаси ҳамда Республика олимпия захиралари коллежи томонидан эсдалик совғалари топширилди.
