«Хоразм» клуби ҳужумчиси Сардор Матмуротов Про-лига рекордини ўрнатишга муваффақ бўлди. Бу ҳақда «Хоразм» клуби мухлислари телеграм канали хабар бермоқда.
Футболчи мусобақанинг сўнгги 5та ўйинида захирадан майдонга тушиб, барчасида рақиб дарвозасини ишғол этди. Хусусан, у «Динамо» (3:2), «Норин» (6:2), «Андижон» (2:3), «Орол» (3:0) ва «Шўртан» (5:1) клубларига қарши ўйинларда рақиб посбонларини доғда қолдирди.
Айни пайтда, Матмуротов 6та гол билан «Хоразм» тўпурарлари рўйхатида Қадамбой Нурметовдан (10та гол) кейин 2-ўринда боряпти.
Сардор хоразмлик мухлислар орасида «Рэшфорд» лақаби билан танилган. Унинг ўйин услуби, чаққонлиги ва тезкорлиги ҳақиқатдан ҳам «Манчестер Юнайтед»нинг машҳур ҳужумчисиникига жуда ўхшаб кетади.
