«Xorazm» klubi hujumchisi Sardor Matmurotov Pro-liga rekordini o‘rnatishga muvaffaq bo‘ldi. Bu haqda «Xorazm» klubi muxlislari telegram kanali xabar bermoqda.

Futbolchi musobaqaning so‘nggi 5ta o‘yinida zaxiradan maydonga tushib, barchasida raqib darvozasini ishg‘ol etdi. Xususan, u «Dinamo» (3:2), «Norin» (6:2), «Andijon» (2:3), «Orol» (3:0) va «Sho‘rtan» (5:1) klublariga qarshi o‘yinlarda raqib posbonlarini dog‘da qoldirdi.

Ayni paytda, Matmurotov 6ta gol bilan «Xorazm» to‘purarlari ro‘yxatida Qadamboy Nurmetovdan (10ta gol) keyin 2-o‘rinda boryapti.

Sardor xorazmlik muxlislar orasida «Reshford» laqabi bilan tanilgan. Uning o‘yin uslubi, chaqqonligi va tezkorligi haqiqatdan ham «Manchester Yunayted»ning mashhur hujumchisinikiga juda o‘xshab ketadi.